Astanada «2010 jylǵy Prezıdent Joldaýyna jastardyń kózqarasy» atty ashyq sabaq ótti

dep habarlaıdy QazAqparat.

Atalmysh sharany Prezıdent murajaıynyń qyzmetkerleri qalalyq bilim basqarmasymen birlese otyryp, uıymdastyrdy. Shara elordadaǵy tarıh páni muǵalimderiniń attestatsııalaý tájirıbesi aıasynda júzege asyrylyp otyr. Osyǵan qaraı oǵan Astana qalalyq bilim berý júıesindegi kadrlardyń biliktiligin arttyrý men olardy qaıta daıyndaý ınstıtýtynyń ókilderi, elordadaǵy orta mektepterdiń tarıh pániniń ustazdary, sondaı-aq Prezıdent murajaıy janyndaǵy pedagogtar keńesiniń ókilderi qatysty.

Sharany uıymdastyrýshylardyń sózderine qaraǵanda, ashyq sabaqtyń basty maqsaty - Memleket basshysynyń osy ýaqytqa deıingi atqarǵan isteri negizinde Qazaqstannyń jańa tarıhynyń bet-beınesin kórsetý. Osyǵan qaraı shara barysynda elordadaǵy №1 mektep-lıtseıiniń tarıh pániniń ustazy oqýshylarmen birge Elbasynyń bıylǵy jylǵy «Jańa onjyldyq - Jańa ekonomıkalyq órleý - Qazaqstannyń jańa múmkindikteri» atty Joldaýyn talqylady.

«Búginde elde Memleket basshysynyń Joldaýy belsendi talqylanýda. Óz kezeginde biz de ózimizdiń bilim berý baǵdarlamamyzdyń aıasynda ortaq iske úles qosqandy jón sanap otyrmyz. Osyǵan qaraı biz qazir mektepter men kolledjderdiń oqýshylaryn jáne joǵary, orta bilim berý oryndarynyń stýdentterin de tartyp otyrmyz. Sebebi Joldaý tek saıası másele ǵana emes, sonymen qatar elimizdiń árbir turǵynynyń ómirine qatysty másele. Bul memlekettiń taǵdyry. Al búgingi ashyq sabaq murajaı qabyrǵasyndaǵy Elbasynyń Joldaýyna qatysty uıymdastyrylyp otyrǵan ekinshi tájirıbe. Onyń birinshisi boıynsha biz murajaı qyzmetkerleri men lektorlar korpýsynyń kómegimen oqýshylar men stýdentter arasynda Prezıdenttiń jyl saıynǵy Joldaýlarynyń erekshelikteri men olardyń jalǵastyǵy jóninde baıandadyq. Bul

rette qurǵaq málimetterden kóri, Joldaýdyń strategııalyq maqsat-mindetterine basa kóńil bóldik dese bolady. Al búgingi sabaq ınteraktıvti júıede uıymdastyryldy. ıAǵnı munda debat tehnologııalary men sarapshylar pikiri de bar. Mundaǵy basty erekshelikterdiń biri biz sabaq barysynda Elbasynyń osy ýaqytqa deıingi Joldaýynda kórsetilip, osy ýaqytta iske asyrylyp úlgergen mindetterdi de kóre alamyz», dedi Prezıdenttiń alǵashqy murajaıynyń dırektorynyń orynbasary Botagóz Kaıpova.