Astanada 2010-2020 jyldarǵa arnalǵan ishki kóshi-qon jónindegi memlekettik baǵdarlama tujyrymdamasynyń jobasy talqylandy

ASTANA. Qarashanyń 25-i. QazAqparat /Quralaı Orynbekqyzy/ - Búgin «Nur Otan» HDP Astana qalalyq fılıaly ǵımaratynda «2010-2020 jyldarǵa arnalǵan ishki kóshi-qon jónindegi memlekettik baǵdarlama tujyrymdamasynyń jobasyn talqylaýǵa» arnalǵan dóńgelek ústel ótti,

 dep habarlaıdy QazAqparat tilshisi.

«Aýyl turǵyndarynyń jappaı qalaǵa qonystanýy úderisiniń bel alǵanyna 20 jyldaı bolyp qalsa da,  adamdardyń erikti oryn aýystyrýy men turǵylyqty jerin erikti tańdaý quqyǵyn qamtamasyz etý jaǵy tolyq túrde zańdastyrylmaǵan. «Shańyraq» qoǵamdyq birlestigi birqatar uıymmen birlesip, Eýrokomıssııanyń osy máselege baılanysty jarııalaǵan grantyn jeńip aldy. Búgingi is-shara osy baǵyttaǵy jumys nátıjesiniń basy deýge bolady. Sizderge osy máseleni retteýdiń 2010-2020 jyldarǵa arnalǵan memlekettik baǵdarlama tujyrymdamasynyń jobasyn usynǵaly otyrmyz»,  dep atap ótti «Shańyraq» respýblıkalyq qoǵamdyq birlestigi fılıalynyń tóraǵasy Sádýaqas Ańsatov.

 Basqosýǵa QR Parlamentiniń depýtattary, Astana qalasynyń atqarýshy jáne ókildik bılik organdary, ÚEU men saıası partııalar ókilderi atsalysty. Olar tujyrymdama jobasyn talqylady, pikir almasyp, joba boıynsha usynystaryn ortaǵa saldy.