Astanada 2008-2010 jyldarǵy Memturǵyn úı baǵdarlamasynyń taǵy 178 qatysýshysy páterlerin aldy
ASTANA. 22 jeltoqsan. QazAqparat - 2008-2010 jyldarǵa arnalǵan Memlekettik turǵyn úı baǵdarlamasynyń birinshi kezegin júzege asyrý aıasynda 187-inshi kóshedegi tórt nysan - 23, 23/1, 21/1 jáne 27-inshi úıler nemese 178 páter paıdalanýǵa berildi.
Bul týraly Astana ákimdiginiń resmı saıtynda habarlandy.
Aǵymdaǵy jyldyń 9 jeltoqsanynda Turǵyn úı baǵdarlamasyna «balalary bar jas otbasylar», «memlekettik qyzmetkerler», «memlekettik kásiporyndar qyzmetkerleri» jáne «memlekettik qyzmetkerler bolyp tabylmaıtyn memlekettik mekemeler qyzmetkerleri» sanattary boıynsha qatysqandardyń arasynda páterlerdi úlestirý boıynsha turǵyn úı komıssııasynyń otyrysy ótti.
Baspana alatyndardyń tizimi www.astana.kz saıtynda jarııalandy. Olar satý-satyp alý kelisim-shartyn jasaý úshin Astana qalasynyń Turǵyn úı basqarmasyna (Bıgeldınov kóshesi, 74/1) barýy tıis.
