Astanada 2008-2010 jyldarǵa arnalǵan Memlekettik turǵyn úı baǵdarlamasynyń ekinshi kezeńi boıynsha azamattardan qujattardy qabyldaý bastaldy

2008-2010 jyldarǵa arnalǵan Memlekettik turǵyn úı baǵdarlamasynyń sońǵy ekinshi kezeńi boıynsha qujattardy qabyldaý 2010 jylǵy 29 jeltoqsan men 2011 jylǵy 29 qańtar aralyǵynda júrgiziledi.

Memlekettik qordan qoljetimdi baspanalarǵa kelesi sanatqa jatatyn azamattar úmitker bola alady: jas otbasylar (29-jasqa tolmaǵan jáne balalary bar erli-zaıyptylar); memlekettik qyzmetkerler; bıýdjettik uıym jáne memlekettik kásiporyn qyzmetkerleri.

Al Aktsıonerlik qoǵamdar, Ulttyq kompanııalar, Jaýapkershiligi shekteýli seriktestikter, Jeke kásipkerlikter jáne taǵy basqa da qurylymdardyń qyzmetkerleri basymdyq sanattarǵa jatpaıdy. Sondyqtan olar Memlekettik baǵdarlamaǵa tek «jas otbasy» sanaty (erli-zaıyptylar 29 jasqa tolmaǵan jaǵdaıda) boıynsha ǵana qatysa alady.

Qujattar turaqty meken-jaıy Astana qalasy bolyp tabylatyn jáne osynda jumys isteıtin azamattardan Halyqqa qyzmet kórsetý ortalyqtarynda júrgiziledi. Olar: № 1 HQO Saryarqa aýdany, Respýblıka dańǵyly, № 43 úı; № 2 HQO, Saryarqa aýdany, Súıinbaı aqyn kóshesi (Tilendıev), № 2 úı; HQO-nyń Esil aýdany boıynsha fılıaly, Qabanbaı batyr dańǵyly, № 5/1 úı; № 1 HQO, Almaty aýdany, Mırzoıan kóshesi, № 25 úı; № 2 HQO, Almaty aýdany, Ońtústik-Shyǵys sh-a, Subhanberdın kóshesi, № 3 úı.

2008-2010 jyldardaǵy baǵdarlamanyń ekinshi kezeńine qatysatyn turǵyndar úshin Saraıshyq kóshesiniń oń jaǵynda jáne Kóktal kentiniń ońtústik-shyǵysynda barlyǵy 2446 páterlik kópqabatty turǵyn úıler salynýda. Onyń ishinde: bir bólmeli - 441; eki bólmeli - 1089; úsh bólmeli - 916. Turǵyn úıler keshenderi 2011 jyldyń IV toqsanynda paıdalanýǵa beriledi dep josparlanýda.

Eske salaıyq, baǵdarlamanyń birinshi kezeńinde 28 myń azamattyń ótinishi qabyldanyp, onyń 5612-si turǵyn úı komıssııasynyń oń sheshimin aldy.