Astanada 2005-2007 jyldarǵy Memlekettik turǵyn úı baǵdarlamasy boıynsha kezekti baspana ıeleri anyqtaldy
ASTANA. 27 qazan. QazAqparat /Gúlmıra Alıakparoa/ - Astanada 2005-2007 jyldarǵy Memlekettik turǵyn úı baǵdarlamasynyń qatysýshylary arasynda kezekti 102 páter úlestirildi.
Bul týraly qala ákimdiginiń baspasóz qyzmetinen habarlady.
Astanada 2005-2007 jyldarǵy Memlekettik turǵyn úı baǵdarlamasy boıynsha Sh.Qudaıberdiuly dańǵyly 25/3 meken-jaıy boıynsha salynǵan turǵyn úı kesheniniń qurylysy aıaqtaldy.
«Ornyqqan tártip boıynsha Memlekettik baǵdarlamanyń kezekti turǵyn úıiniń iske qosylýyna oraı, úsh sanat boıynsha - «balalary bar jas otbasylar», «memlekettik bıýdjet esebinen qarjylandyrylatyn memlekettik organdar men mekemelerdiń qyzmetkerleri», «áleýmettik saladaǵy memlekettik kásiporyndardyń qyzmetkerleri» arasynda 102 páterdi úlestirý boıynsha 2011 jyldyń 18 qazanynda turǵyn úı komıssııasynyń otyrysy ótti», - delingen taratylǵan habarlamada.
Osyǵan oraı, ákimdiktiń www.astana.kz resmı saıtynda komıssııanyń oń sheshimin alǵan azamattardyń tizimderi ornalastyryldy. Aldaǵy ýaqytta olar satý-satyp alý kelisimin resimdeý úshin Astana qalasynyń Turǵyn úı basqarmasyna shaqyrylatyn bolady.
