Astanada 20 jolaýshysy bar avtobýs jol-kólik apatyna ushyrady
ASTANA. QazAqparat - Astanada 20 jolaýshy otyrǵan №5 baǵyttaǵy avtobýs qar tazalaýshy tehnıkamen soqtyǵysty. Bul týraly «QazAqparat» tilshisine Astana qalasy ІІD baspasóz qyzmetiniń jetekshisi Sofıa Kolyshbekova málim etti.
«Qalalyq qoǵamdyq kólikpen pen qar tazalaýshy tehnıka jol-kólik oqıǵasyna ushyrady. Qazirgi ýaqytta oqıǵa ornynda polıtsııa qyzmetkerleri jol-kólik oqıǵasynyń sebepterin anyqtap jatyr. Jolaýshylar zardap shekken joq», - dedi ol.
Degenmen, avtobýs júrgizýshisi jedel medıtsınalyq kómek kóligimen aýrýhanaǵa jetkizildi. S.Kolyshbekovanyń aıtýynsha, qar tazalaýshy tehnıka kúregimen avtobýstyń búıirinen soqqan. Oqıǵa búgin tańerteń saǵat 10-da Konstıtýtsııa jáne Beısekov kósheleriniń qıylysynda oryn aldy.
«Qazirgi ýaqytta kinálini anyqtap jatyr, júrgizýshiden basqa zardap shekkender joq», - dedi ol.
