Astanada 20 myńǵa jýyq jańa jumys orny ashyldy
ASTANA. QazAqparat - Astanada 2017 jyly elordada 19 257 jańa jumys orny ashyldy, dep habarlaıdy ákimniń saıty.
Astana qalasynda 2017 jyly túrli saladaǵy jumys berýshilermen 19 257 turaqty jańa jumys oryndary, sonyń ishinde: kólik salasynda - 1876, qurylys salasynda - 1977, óndiris salasynda - 449, shaǵyn jáne orta bıznes kásiporyndarynda 14 955 jumys orny ashylǵan. Bul jańadan ashylǵan jumys oryndarynyń 78% quraıdy.
Elordanyń eńbek naryǵyndaǵy jaǵdaıdy turaqtandyrýdyń aıasynda elorda ákimi Áset Isekeshev bekitken Astana qalasynyń turǵyndaryn jumyspen qamtý isinde qoldaý kórsetýdiń 2017 jylǵa arnalǵan keshendi jospary júzege asqan bolatyn. Jospar negizinen jumyssyz júrgen azamattardy jumyspen qamtýdy qamtıdy. Qorytyndylarǵa sáıkes memlekettik qoldaýǵa 23 429 adam ıe boldy.
Jospar boıynsha «Nurly jol», IIDMB, BJK- 2020, Ónimdi jumyspen qamtý jáne jappaı kásipkerlikti damytý sııaqty barlyq memlekettik jáne úkimettik baǵdarlamalardyń asıaynda jumyspen 21 730 adam qamtylýy tıis edi. Dálirek aıtqanda, jospar 108 %-ǵa oryndaldy.
