Astanada 20 myń jer úıdiń 12 myńy tabıǵı gazǵa kóshirildi

ASTANA. KAZINFORM — Astana qalalyq energetıka basqarmasy basshysynyń orynbasary Maqsat Esmaǵulov qalany gazdandyrý jumystary týraly baıandady.

Elordany gazdandyrý jobasy 2019 jyldan beri iske asyrylyp keledi. Bir jylda «Saryarqa» gaz qubyrynyń qurylysy aıaqtaldy. Bul qubyr –táýelsizdik tarıhyndaǵy eń iri ınfraqurylymdyq jobalardyń biri bolyp esepteledi.

− Qazir qalada 8 shaqyrymnan astam gaz qubyry tartylǵan. Negizgi gaz ınfraqurylymy qalyptasty dep aıtýǵa bolady, ol búginde jylý, elektr, sý júıeleri sekildi qalypty jumys istep tur. Bekitilgen tarıf tekshe metrine 39 teńge deńgeıinde saqtalǵan, gaz qubyry tartylǵaly bul baǵa Astana jáne Aqmola oblysynda bir deńgeıde qalyp otyr, — dedi M. Esmaǵulov qalalyq máslıhat otyrysynda.

Astanany gazdandyrýdyń negizgi maqsaty — jylytý maýsymyndaǵy tútinnen arylý edi. ıAǵnı jeke sektordyń barlyǵyn ortalyqtandyrylǵan jylý júıesine qosý múmkindigi bolmaǵandyqtan, ony tabıǵı gazǵa aýystyrý qajet boldy.

Búginde Astanada gazǵa aýystyrýdy talap etetin 20 myń jer úı bolsa, onyń 14 myńyna esik aldyna deıin gaz qubyryn tartylǵan. Nátıjesinde shamamen 12 myń abonent tirkeldi.

− Qazir Baıqońyr aýdanynan basqa barlyq aýdandarǵa gaz jetkizilgen. Saryarqa aýdanynda Kóktal-1, Kóktal-2, Agroqalashyq, Máskeý, Potanın, Bógenbaı kóshesindegi úıler, Almaty men Saraıshyq aýdandarynda — Ońtústik-Shyǵys, Sılıkatnyı, Promyshlennyı, Jeleznodorojnyı, Kúıgenjar, Internatsıonalnyı alaptary gazǵa qosyldy. Byltyrdan bastap, sol jaǵalaýdy gazben qamtý jumystaryn bastadyq, — dep túsindirdi spıker.

Ásirese eń negizgi tútin máselesi — qala ortalyǵyndaǵy Shubar turǵyn alabynda baıqalatyn. Munda ishki gaz júıeleriniń qurylysy 85% daıyn, jyl sońyna deıin bul aýmaqty gazǵa qosý josparlanǵan.

Telmano turǵyn alaby asa úlken emes, biraq onda da ishki taratý júıeleri jobalanǵan.

Úrker aýdanyna jeke ınvestor tartylyp, 6 myń úıdiń myńnan astamy gazǵa qosyldy. Qalǵan jumystardy bıylǵy jyl sońyna deıin aıaqtaý kózdelgen.

− Endi gazsyz qalyp otyrǵan eń úlken eki aýmaq — Baıqońyr aýdanyndaǵy Óndiris pen Kırpıchnyı alaptary. Ond negizgi gaz ákelýshi qubyrlar men gaz stantsııasy ornatylǵan, biraq kóshelerde dáliz joq, retsiz salynǵan úılerge baılanysty jobalaý qıynǵa soǵýda. Soǵan qaramastan, biraz jumys júrgizildi, bıyl naýryz aıynda bıýdjetke ótinim beriledi jáne joba eki jyl boıy júrgiziledi. Retsiz salynǵan nysandar sebebinen qubyrlar jer ústinde júrgiziledi, — dedi Maqsat Esmaǵulov.

Buǵan deıin Astana qalasynyń «Úrker» turǵyn alabynda gaz taratý jelileriniń qurylysy týraly habarlaǵan edik.