Astanada 20-qabattan qulap, mertikken 2 adam stýdentter bolyp shyqty
ASTANA. QazAqparat - Astanada salynyp jatqan qurylys nysanynda búgin tańerteń 20-qabattan qulaǵan azamattardyń tulǵalary anyqtaldy. Bul týraly Astana qalasy Іshki ister departamentiniń baspasóz qyzmeti habarlady.
Buryn habarlanǵandaı, oqys jaǵdaı kezinde eki adam kóz jumdy.
«Zardap shekkenderdiń esimderi anyqtaldy. Olar Astana qalasyndaǵy joǵary oqý oryndarynyń birinde ekinshi kýrsta oqıdy. Olar qurylysshylar emes. Bul tek aldyn ala málimet», - dep habarlady ІІD.
«QazAqparat» tilshisiniń qurylys nysany aýmaǵynda stýdentter ne istep júrde degen saýalyna ІІD baspasóz qyzmeti jaýap bere almady. «Qazirgi ýaqytta tergeý júrgizilýde, sonyń nátıjesinde barlyǵy anyqtalady. Ózge aqparattar jarııalanbaıdy», - dep atap ótti vedomstvodan.
Astana qalasy ІІD tergeý basqarmasy Saýran kóshesi boıyndaǵy «Aınur Astana» turǵyn úı kesheninde oryn alǵan oqıǵaǵa baılanysty sot aldyndaǵy tergeýdi júrgizýde. Tergeý aıasynda tıisti saraptamalar taǵaıyndaldy, tergeý amaldary júrgizilýde.
