Astanada 20-dan astam jumys berýshi Ónerkásiptik aımaq turǵyndaryna bos jumys oryndaryn usyndy
ASTANA. 14 tamyz. QazAqparat - Búgin Astanada Ónerkásiptik aımaq aýdanynda bos oryndar jármeńkesi ótti.
Oǵan 26 kásiporyn men jumys berýshi qatysyp, Astananyń osy aýmaǵynyń turǵyndaryna jumys tabýǵa kómektesti. Bul týraly astana.kz saıty habarlady.
«Búgin ónerkásiptik kásiporyndardan jumys izdegen halyqty qamtý úshin atalǵan aýdanda jármeńke ótkizip jatyrmyz. Biz eńbek naryǵyndaǵy qajettilikterdi zerttep, halyqtyń suranysyn qanaǵattandyrýǵa tyrystyq. Aldaǵy ýaqytta Komsomolskıı kentinde, Shanhaı jáne Ortalyq bazar aýdandarynda da osyndaı jármeńke ótkizý josparlanǵan», - dedi Astana qalasynyń Jumyspen qamtý ortalyǵynyń dırektory Qaırat Jaqypov.
Saıttyń habarlaýynsha, bos oryndar jármeńkesi segizinshi ret ótkizildi. Onyń negizgi mindetteri - azamattardy jumyspen qamtýǵa járdemdesý, olarǵa áleýmettik qorǵaý sharalary týraly, sondaı- aq eńbek naryǵyndaǵy ahýal jóninde aqparattar usyný bolyp tabylady.
