Astanada 20-dan astam kósheniń boıyndaǵy úılerge ystyq sý berý toqtatyldy
ASTANA. 21 mamyr. QazAqparat - 21-22 mamyrda elordanyń jekelegen úılerinde jylý magıstrali boıyndaǵy tyǵyzdyqty synaý men daıyndyqtarǵa baılanysty ystyq sý berý toqtatylady.
Bul týraly «Astana-Jylýtranzıt» AQ-ǵa silteme jasap, astana.kz saıtynda habarlandy.
Kompanııanyń málimeti boıynsha, ystyq sý Respýblıka, Bógenbaı batyr, Abaı, Áýezov, Máskeý, Beıbitshilik, Dúkenuly, Jangeldın, Toraıǵyrov, Seıfýllın, Otyrar, Ǵabdýllın, Kenesary, Jeltoqsan, Rysqulov, Bókeıhan, Imanov, Aǵybaı batyr, Ǵumar Qarash, Qorqyt, Ramazan, Baraev, Omarov, Jánibek Tarhan, Aımanov dańǵyldary men kóshelerinde ýaqytsha berilmeıdi.
«Kásiporyndar men uıymdardyń basshylary, PIK pen PK tóraǵalary berilgen uıǵarymǵa sáıkes, ystyq sýmen qamtýdy jeliden aıyryp tastaýy qajet. Ári osy kezeńde kezekshilik uıymdastyrylýy tıis. Jylý berý jelisindegi barlyq jumystar toqtatylýy kerek», - delingen habarlamada.
