Astanada 20-22 naýryz kúnderi qandaı sporttyq-buqaralyq is-sharalar ótedi

ASTANA. KAZINFORM – Naýryz meıramyn merekeleý aıasynda qalanyń Dene shynyqtyrý jáne sport basqarmasy elordanyń barlyq aýdanynda, sondaı-aq turǵyn alaptarynda birqatar merekelik sporttyq is-sharalar uıymdastyrady. Bul týraly Astana ákimdigi habarlady.

Астанада 20-22 наурыз күндері қандай спорттық-бұқаралық іс-шаралар өтеді
Фото: Астана әкімдігі

Qazaqstanda Naýryzynamanyń onkúndigi aıasynda 20 naýryzda ulttyq sport kúni atap ótiledi. Osyǵan baılanysty elordanyń eńbek ujymdarynda túrli sporttyq is-sharalar josparlanǵan.

Bul kúni paralımpıadalyq jattyǵý ortalyǵynyń aýmaǵynda saǵat 10:30–da erekshe qajettilikteri bar balalar arasynda ulttyq sport túrlerinen týrnır ótedi. Baǵdarlamada toǵyzqumalat, asyq atý, arqan tartý jáne armrestlıng boıynsha jarystar bar.

«Aspan» sport kesheninde saǵat 11:00–de otbasylyq komandalardyń qatysýymen ulttyq sport túrleri boıynsha «Uly dala oıyndary» otbasylyq estafetasy ótedi.

Sonymen qatar, Almaty aýdanynda Dostyq úıiniń aýmaǵynda ulttyq sport túrlerinen jarystar uıymdastyrylady.

«Astana Arena» stadıonynda saǵat 11:00–den 16:00–ge deıin qazaqsha kúres, asyq atý, bes asyq, arqan tartý, lańgi tebý jáne sadaq atý boıynsha jappaı merekelik is-sharalar ótedi.

Al saǵat 13:00–de «Arǵymaq» at-sporttyq-saýyqtyrý kesheni kórermenderdi ulttyq sport túrleri boıynsha: qyz qýý, aýdaryspaq, lańgi tebý, teńge ila, kókpar kórsetilimderine qabyldaıdy. Іs-shara aıasynda tazy tuqymdy ıtterdiń kórmesi de uıymdastyrylady.

21 naýryzda «Nura» sporttyq-saýyqtyrý kesheniniń aýmaǵynda balalar men eresekter arasynda ústel tennısinen jarystar ótedi.

22-24 naýryz aralyǵynda «Dáýlet» sport kesheninde Naýryz meıramyna arnalǵan áýesqoılar arasynda tennısten týrnır ótedi.

Merekeniń negizgi kúnderi, ıaǵnı 21-22 naýryz kúnderi elordanyń 6 aýdanynyń aýmaǵynda 30-dan astam orynda qazaqsha kúres, qoı kóterý, arqan tartý, asyq atý, qol kúres, gır kóterý sııaqty ulttyq sport túrlerinen jarystar uıymdastyrylady. Jarys jeńimpazdaryna estelik syılyqtar tabystalady.

Іs-sharalar myna oryndarda ótedi:

Saraıshyq aýdany:

21-22 naýryz — «Qazaq eli» monýmentiniń janyndaǵy alań;
21 naýryz — Internatsıonalnyı, Mıchýrıno eldi mekenderi, Kúıgenjar shaǵyn aýdany;
22 naýryz — Promyshlennyı turǵyn alaby.

Saryarqa aýdany:

21-22 naýryz — Qalalyq alań (Astana ákimdiginiń aldynda);
21 naýryz — «Kóktal» saıabaǵy (S.Beıbarys kóshesi);
22 naýryz — «Qorǵaljyn» gúlzary (Kóktal-2 eldi mekeni), Agroqalashyq eldi mekeni («Formýla ýspeha» TK janyndaǵy turaq, Qazǵurt jáne Jalyn kósheleriniń qıylysy);

Boıkonyr aýdany:

21-22 naýryz — «Atatúrik» saıabaǵy (J.Táshenov kóshesi);
21 naýryz — Jazýshylar alleıasy (Abaı dańǵyly);
22 naýryz — Óndiris eldi mekeni (Aqbıdaı kóshesi, 6), Kırpıchnyı eldi mekeni (Shet jáne Jolymbet kósheleriniń qıylysy).

Esil aýdany boıynsha:

21-22 naýryz — EHRO, «Báıterek» monýmentiniń janyndaǵy alań;
21 naýryz — Prıgorodnyı JM (№ 24 orta mektep aýdany).

Nura aýdany:

21 naýryz — «Astana Arena» SK (Turan dańǵyly, 48);
22 naýryz — Ǵashyqtar parki (Turan dańǵyly), Úrker sh/a, Jaǵalaý sh/a.

Almaty aýdany:

21 naýryz — Temirjolshylar eldi mekeni (Maıakovskıı kóshesi, 3);
22 naýryz — Ál-Farabı atyndaǵy Oqýshylar saraıy (B. Momyshuly dańǵyly), «Jastar» saıabaǵy (Sana sport, Qajymuqan kóshesi, 5), «Kúıshiler alleıasy» (Abylaı han dańǵyly men Manas kóshesiniń qıylysy), «Alma» skveri (Rysqulbekov kóshesi, 16 úı), Qoshqarbaev dańǵyly, 80/1, Dostyq úıi (B. Momyshuly dańǵyly, 26).

Сейчас читают