Astanada 2 shilde kúni «Qazaqstan barysy-2017» ıegeri belgili bolady
Osymen 7-márte jalaýy jelbireıtin dodaǵa elimizdiń 14 oblysy men Astana jáne Almaty qalalarynan iriktelgen 34 balýan júldeli oryndar úshin beldespek.
Jarystyń júlde qory - 50 mıllıon teńge. Aıtalyq, balýandar ár beldesýdegi jeńis úshin - 100 000 teńge kóleminde syıaqy alyp otyrsa, jarys sońynda bas júldeni jeńip alǵan balýan 25 mıllıon teńgeni qaltasyna basady, al bapkeri 3,5 mıllıon teńge syıaqy alady. Ekinshi orynǵa ıe bolǵan balýan 5,5 mıllıon teńgemen marapattalsa, bapkeri 1,8 mıllıon teńgege ıe bolady. Úzdik úshtikti túıindegen balýannyń qaltasy 1,8 mıllıon teńgege tolyqsa, bapkeri 900 myń teńgeni qanjyǵasyna baılaıdy.
Bul týrnırde balýandar ǵana emes, kórermender men jankúıerler de syılyqsyz qalmaıdy. «Qazaqstan Barysynyń» fınaldyq básekesine kirý bıletteri boıynsha «Renault Logan» markaly avtokóligi oınatylady. Bıletter baǵasy 500 teńge men 5 myń teńge aralyǵynda satylymǵa shyqty.
Jarys 2 shilde kúni 13:00-de bastalady. Ony «Qazaqstan» jáne «Kazsport» arnalary tikeleı efırde kórsetedi. Bıyl fınaldyq kezdesýler «Barys Arenada» ótedi. Sońǵy jyldary jarys «Saryarqa» velotreginde jáne «Dáýlet» sport kesheninde uıymdastyrylyp kelgen bolatyn.
2 shilde kúni boz kilemde myna balýandar synǵa túsedi:
1. Bekbol Nurlanuly, Aqmola oblysy
2. Dáýlet Áshirhanov, Aqmola oblysy
3. Shyńǵys Shoqpytov, Aqtóbe oblysy
4. Nurbek Dosmaǵanbetov, Aqtóbe oblysy
5. Aleksandr Kasachev, Almaty oblysy
6. Ulan Rysqul, Almaty oblysy
7. Kenjebek Kúzembaev, Atyraý oblysy
8. Arman Qalıev, Atyraý oblysy
9. Ernazar Hamzın, Batys Qazaqstan oblysy
10. Temirlan Kólbaı, Batys Qazaqstan oblysy
11. Aıbol Aıtbek, Jambyl oblysy
12. Abaı Erboluly, Jambyl oblysy
13. Asyl Bármenov, Qaraǵandy oblysy
14. Erjan Shynkeev, Qaraǵandy oblysy
15. Maqsat Isaǵabylov, Qyzylorda oblysy
16. Nurym Sálimgereev, Qyzylorda oblysy
17. Erlan Omarov, Qostanaı oblysy
18. Abylaıhan Qasymhan, Qostanaı oblysy
19. Nurdáýlet Jarylǵapov, Mańǵystaý oblysy
20. Meırambek Jańabaı, Mańǵystaý oblysy
21. Ádiljan Ystybaev, Ońtústik Qazaqstan oblysy
22. Joldasbek Bektursynov, Ońtústik Qazaqstan oblysy
23. Ádilet Nurpeıisov, Pavlodar oblysy
24. Samır Mámedov, Pavlodar oblysy
25. Altynbek Aýsaǵıtov, Soltústik Qazaqstan oblysy
26. Ǵızat Qalyqov, Soltústik Qazaqstan oblysy
27. Aıbek Nuǵymarov, Shyǵys Qazaqstan oblysy
28. Muhıt Tursynov, Shyǵys Qazaqstan oblysy
29. Rýslan Ábdirazaqov, Almaty qalasy
30. Dáýren Nuralınov, Almaty qalasy
31. Darhan Bıjanov, Astana qalasy
32. Aıbat Seıten, Astana qalasy
33. Elaman Erǵalıev, Ásker Barysy
34. Oljas Shynkeev, Ásker Barysy
Esterińizge sala keteıik, bıylǵy týrnırdiń fınalynda úsh ret «Qazaqstan Barysy» atanǵan Beıbit Ystybaev óner kórsetpeıdi. Ol bıyl óz erkimen jarystan bas tartty. Alaıda, jarystyń kórigin Ulan Rysqul, Aıbek Nuǵymarov jáne MuhıtTursynov sııaqty basqa da jeńimpaz balýandar qyzdyrary sózsiz...
