Astanada 2-shi káriz-tazartý qondyrǵysy salynady

ASTANA. QazAqparat – Elordada jylyna 43 mln tekshe metr sýdy qabyldaı alatyn ekinshi káriz-tazartý qondyrǵysy salynady. Bul týraly ashyq talqyǵa shyǵarylǵan «Astana qalasynyń turǵyn úı qoryn renovatsııalaý jáne modernızatsııalaýdyń 2028 jylǵa deıingi memlekettik baǵdarlamasynda» jazylǵan, dep habarlaıdy QazAqparat tilshisi.

Qala halqy sanynyń artýyna jáne elordadaǵy qurylystyń qarqynyna baılanysty aýyz sý stansasy qýatynyń tapshylyǵy baıqalady. Bul jańa sý sorǵy stansasyn iske qosý esebinen sheshiledi. Sonymen qatar turmystyq sarqyndy sýlardyń barlyǵyn jalǵyz káriz-tazartý qondyrǵysy tazartady. Aǵyndy sýlardyń ortasha táýliktik túsimi – 220 myń tekshe metr. Eń joǵary kezeńde (sý tasqyny, kóp jaýyn jáne qardyń erýi) aǵyndy sýlardyń túsýi táýligine 300 myń tekshe metrge deıin jetedi. Sondyqtan sýdy súzýdiń jańa tehnologııasy paıdalanylatyn jańa káriz-tazartý qondyrǵysyn salý qajet. Qazir qýattylyǵy jylyna 43 mln tekshe metr bolatyn 2-shi káriz-tazartý qondyrǵysy jobalaý satysynda tur, - dep jazylǵan qujatta.

Qosa ketsek, buǵan deıin elordadaǵy turǵyn úı qoryn renovatsııalaý jáne modernızatsııalaý baǵdarlamasy aıasynda bas shahardyń birneshe aýdanyndaǵy úılerdi taıaý arada súrý josparlanǵanyn jazyp edik.

Sonymen birge aldaǵy 3-5 jylda elorda aýmaǵynda turǵyn úı qyrylysynyń qarqynyn tómendetý usynyldy.