Astanada 2 myńnan astam jumysshy qar kúreýge shyqty

ASTANA. QazAqparat – Elordada kommýnaldyq qyzmetter qalany qardan tazartý jumysyn jalǵastyryp jatyr. 15 sáýir kúni 2 myńnan astam jol jumysshysy jumyldyryldy, dep habarlaıdy QazAqparat Astana ákimdiginiń resmı saıtyna silteme jasap.

Tańerteń elordanyń kósheleri men joldaryn qardan tazartýǵa 2 myńnan astam jumysshy men 1 myńǵa jýyq arnaıy tehnıka jumyldyryldy. Qar tazalaý jumysy erekshe nazarǵa alynyp, belgilengen josparǵa sáıkes júrgizilip jatyr.

Qys mezgiliniń basynan beri qaladan 3,9 mln tekshe metrden astam qar shyǵaryldy, ol úshin qar polıgondaryna 312 723 reıs jasaldy.

Esterińizge sala keteıik, «Qazgıdromet» sınoptıkteriniń boljamy boıynsha, elordada aýa temperatýrasy 5-7 gradýsqa deıin kúrt tómendeýi múmkin.