Astanada 2 myń stýdent on-laın rejiminde «Aqsúıek» oınaıdy
ASTANA. 9 sáýir. QazAqparat - Astanada ǵashyqtar kúnine oraı, bozbala men boıjetkendi tanystyrǵan «Aqsúıek» oıyny tuńǵysh ret on-laın rejiminde ótpek.
Qazaq halqynyń ulttyq oıynyn nasıhattap, «Qozy men Baıan» ǵashyqtar kúni merekesine oraı uıymdastyrylatyn bul shara 14 sáýir kúni, keshki saǵat 20.00-de S.Seıfýllın atyndaǵy Qazaq agrotehnıkalyq ýnıversıtetiniń bas ǵımaratynyń aldyndaǵy alańda (saıabaqta) ótedi.
Ýnıversıtettiń baspasóz qyzmetinen málim etkendeı, is-shara barysynda merekelik kontsert bolady, onyń sońy bı keshine ulasady.
Eń qyzyǵy, Astana qalasyndaǵy ózge de joǵary oqý oryndarynyń qatysýymen ótetin «Aqsúıek» oıyny bastaryn mahabbat qosqan shynaıy 55 juptyń qatysýymen ótedi.
Merekelik keshke QazATÝ-dan jáne basqa da JOO-lardan barlyǵy 2 myńǵa jýyq stýdent qatysady.
