Astanada 2 600-den astam sáıkes kelmeıtin jarnamalyq banner alynyp tastaldy

ASTANA. QazAqparat - Elordada qalanyń jalpy kelbetin 2019 jyly bekitilgen dızaın-kodqa sáıkes keltirý jumysy júrip jatyr. Kún saıyn aýdandarda kásipkerler arasynda túsiniktemeler júrgiziledi, dep habarlaıdy QazAqparat Astana ákimdiginiń resmı saıtyna silteme jasap.

Jyl basynan beri Astananyń bes aýdanynda qalanyń dızaın-kodyna sáıkes kelmeıtin 2 600-den astam jarnamalyq mańdaısha men banner alynyp tastaldy.

Ákimdikterdiń qyzmetkerleri zańsyz jáne tıisti emes jarnamalardy, onyń ishinde bannerlerdi, mańdaıshalardy jáne dóńgelekterdegi jarnamalardy túsindirý jáne bólshekteý boıynsha kóshpeli is-sharalar uıymdastyrady.

Kásipkerlermen suhbat júrgiziledi, mańdaıshalardy dızaın-kodqa sáıkes keltirý týraly habarlamalar beriledi.

Bir apta ishinde ákimdik qyzmetkerleriniń jumysy nátıjesinde dızaın-kodqa sáıkes kelmeıtin myńǵa jýyq zańsyz ilingen banner men mańdaısha alynyp tastaldy.