Astanada «1S» bıznes-forýmy ótedi
ASTANA. QazAqparat - 14 qarashada Qazaqstandaǵy «1S» ókilderi «1S» bıznes-forýmyn ótkizedi. Onda iri ІT-kompanııalar men baǵdarlamalyq ónimderdi jasaıtyn jetekshi kompanııalar tájirıbelerimen, shyǵyndardy azaıtý, jańa tsıfrlyq tehnologııalardy paıdalana otyryp, paıdany ulǵaıtýdyń joldarymen bólisedi, dep habarlaıdy elorda ákimdiginiń resmı saıty.
Astanada baǵdarlamalyq ónimderdi jasaıtyn jetekshi kompanııalardyń 300-den astam menedjeri men halyqaralyq IT-ındýstrııasynyń ókilderi zamanaýı tehnologııalardyń múmkindikterin talqylaıdy. Spıkerler tsıfrlyq memleket, tsıfrlyq ekonomıka jáne ınnovatsııalyq tehnologııalar taqyrybynda oı qozǵaıdy.
Іs-sharanyń qonaqtary memlekettiń nelikten bultty júıege kóship jatqanyn, elektrondyq bıýdjettiń qajettiligi nede, bilim berý, medıtsına jáne aýyl sharýashylyǵyndaǵy tsıfrlyq júıe týraly máselelerdi saralaıdy. Forýmnyń ár qatysýshysy jeke saraptamalyq keńester alýǵa múmkindik alady.
Sonymen qatar, is-shara barysynda 1S ınnovatsııalyq tehnologııalar men seriktesterdiń kórmesi ótedi. Forým Dostyq kóshesi 16 meken -jaıy boıynsha ornalasqan «The Ritz-Carlton, Astana» qonaq úıi saǵat 9:00-de bastalady.
