Astanada 1916 jylǵy ult-azattyq kóterilisiniń 100 jyldyǵyna arnalǵan ǵylymı konferentsııa ótedi
Akademııanyń baspasóz qyzmetiniń habarlaýynsha, is-shara Qyrǵyz Respýblıkasynyń Prezıdenti janyndaǵy «Mýras» qory, Qazaqstan jáne Qyrǵyz Respýblıkasy Tarıhshylar qaýymdastyqtary, sonymen qatar Qazaqstan Respýblıkasy Ulttyq akademııalyq kitaphanasynyń qoldaýymen uıymdastyrylyp otyr.
Ortalyq Azııadaǵy ózgeristerdiń basynda turǵan aıtýly oqıǵaǵa oraılastyrylǵan konferentsııaǵa Qazaqstan, Qyrǵyzstan, Qytaı, Ózbekstan, Reseı jáne Tájikstannan ǵylymı mekemelerdiń basshylary, tanymal tarıhshylar, memleket jáne qoǵam qaıratkerleri men belgili ǵalym-zertteýshiler qatysady dep kútilýde.
Alqaly jıyn barysynda arnaıy kitap kórmesi uıymdastyrylyp, Ult-azattyq qozǵalysqa qatysty «Jetisý - Ystyqkól qasireti: 1916-1920 jj.» atty tarıhı qujattar men materıaldar jınaǵy tanystyrylady.
