Astanada 19 mln teńgeniń esepteýishterin urlaǵandar ustaldy
ASTANA. QazAqparat - Elordalyq polıtseıler júrgizgen jedel-izdestirý is-sharalary barysynda turǵyn úı keshenindegi 19 mln teńgelik sý esepteýishteriniń radıomodýlin qoldy etkenderdi ustady. Bul týraly Astana qalalyq ІІD baspasóz qyzmeti habarlady.
Astana polıtseıleri 22 aqpanda júrgizgen jedel-izdestirý is-sharalary barysyndaMáńgilik el kóshesindegi turǵyn úı kesheninen sý esepteýishteriniń radıomodýlin urlaǵan úsh kúdiktini ustady. Olar Almaty, Aqmola oblystarynyń turǵyndary bolyp shyqty. Kúdiktiler barlyq somasy 19 mln teńgeni quraıtyn 400-den astam esepteýishti jymqyrǵan.
Tergeý jumystary barysynda anyqtalǵandaı, kúdiktilerdiń biri buryn elektr qurylǵylaryn ornatýmen aınalysqan. Sondyqtan sý esepteýishterin sheship alyp ketý ońaıǵa túsken. Budan bólek, olar turǵyndardyń nazaryn ózderine aýdarmas úshin arnaıy qyzmettik kıim satyp alǵan.
Qazirgi tańda QR QK-niń «urlyq jasaý» baby boıynsha sotqa deıingi tergeý jumystary júrgizilýde. Kúdiktiler Astana qalalyq ІІD ýaqytsha qamaý oqshaýlaǵyshyna qamaldy.
Sondaı-aq, olardyń qala aýmaǵynda osy sekildi buryn jasalǵan qylmystarǵa qatysy bar-joǵy tekserilýde.
