Astanada jol erejesin buzǵan 19 myńnan astam jaıaý júrginshi jaýapqa tartyldy
ASTANA. KAZINFORM — Astanada «Zań men tártip» qaǵıdaty aıasynda jol qaýipsizdigi men qoǵamdyq tártipti qamtamasyz etý jumystary jalǵasyp jatyr. Bul týraly qala ákimdiginiń resmı saıty Astana prokýratýrasyna silteme jasap habarlady.
Prokýratýra málimetinshe, jaz bastalǵaly qalada mototsıkl júrgizýshileriniń tynyshtyqty buzýyna qatysty 123 derek tirkelgen. Quqyq qorǵaý organdary jol qozǵalysy erejeleriniń saqtalýyn baqylaýdy kúsheıtip, quqyq buzýshylyqtardy anyqtaý jumystaryn turaqty júrgizip keledi.
Sonymen qatar joldyń júrý bóligin belgilenbegen jerden kesip ótken nemese jaıaý júrginshilerge arnalǵan talaptardy buzǵany úshin 19 myńnan astam adam ákimshilik jaýapkershilikke tartylǵan.
Qala prokýratýrasy turǵyndardy jol qozǵalysy erejelerin qatań saqtaýǵa úndedi. Vedomstvonyń málimetinshe, jol qaýipsizdigine qatysty árbir quqyq buzýshylyq deregi baqylaýda bolady.
Eske salaıyq, buǵan deıin Astana áýejaıynda mas kúıde qoǵamdyq tártipti buzǵan áıel jaýapqa tartylǵanyn habarlaǵanbyz.
