Astanada 19 qyrkúıekte ótetin jalpyqalalyq senbilikte 6,5 myń kóshet otyrǵyzylmaq
ASTANA. QazAqparat - 19 qyrkúıekte elordada 2015 jylǵy 7 qyrkúıek - 7 qazan aralyǵyndaǵy «Biz taza qala úshin!» ekologııalyq aılyǵy aıasynda jalpyqalalyq senbilik ótedi. Astana qalasy Tabıǵı resýrstar jáne tabıǵat paıdalanýdy retteý basqarmasynyń málimetinshe, ekologııalyq aılyq aıasynda qalalyq jáne respýblıkalyq mekemelerdiń qatysýymen kóshet otyrǵyzý josparlanyp otyr.
19 qyrkúıekte shamamen 6,5 myń kóshet egiledi.
- «Almaty» aýdanynda - 1 150 kóshet: onyń shinde №46 kóshede 750 (Táýelsizdik dańǵylynan Sátbaev kóshesine deıin), Baıtursynov kóshesinde 400 (Táýelsizdik dańǵylynan Sarykól kóshesine deıin);
- «Esil» aýdanynda - 1 500 kóshet Orynbor kóshesinde (Hýseın ben Talal kóshesinen Qabanbaı batyr dańǵylyna deıin);
- «Saryarqa» aýdanynda - 652 kóshet: 500-i N. Tilendıev k-si, 122-si Babataıuly kóshesinde, «Kóktal-1» aýylyndaǵy «Qarttar úıi» mańynda 30 tal otyrǵyzylady.
- Sondaı-aq mektepter, balalar baqshasy jáne medıtsınalyq mekemelerge 3200 kóshet, onyń ishinde «Almaty» aýdanynda - 2000 kóshet, «Esil» aýdanynda - 1000 kóshet, «Saryarqa» aýdanynda - 200 kóshet otyrǵyzý josparlanyp otyr.
Ekologııalyq aılyq aıasynda Astanada qala aýmaǵyn sanıtarlyq tazartý, kósheler, trotýarlar men aýdan aýlalaryn retke keltirý, Esil ózeni arnalaryn, Aqbulaq pen Sarybulaqty qaldyqtardan arshý, aryqtardaǵy káriz júıesin tazalaý kózdelgen, dep jazady astana.gov.kz.
