Astanada 19 kún ishinde kottedj salyndy
ASTANA. QazAqparat - Astanada Sip-panelderden kottedj 19 kún ishinde salyndy. Bul týraly BI Group kompanııasynyń baspasóz qyzmetinen habarlandy.
Resmı sharaǵa BI Group holdınginiń basshylyǵy, «Garýs» reseılik kompanııasynyń ókilderi, áleýetti klıentter jáne jańa kottedjdiń ıesi qatysty.
Jeke turǵyn úı qurylysy (JTQ) dıvızıonynyń basshysy Muhametjar Iskakov aıtqandaı, bul kottedj BI Group kompanııasynyń 19-shy jyldyǵyna oraı joǵary sapaly sip-panelderimen tanymal «Garýs» reseılik kompanııasynyń tikeleı qatysýymen 19 kún ishinde salynyp otyr. «Kottedj qurylysyna jańa kanadalyq tehnologııalar qoldanyldy. Nege biz sip-panelderden salý tehnologııasyn tańdadyq? Sebebi bizdiń maqsatymyz - taza qundy jáne kottedjderdi satý baǵasyn tómendeý. Al sip-panelder - bul únemdi, ekologııalyq taza, jyly, sapaly ári tez», - deıdi Muhametjar Iskakov.
Esterińizge sala keteıik, «Sip-panelderden kottedjdi 19 kún ishinde salý» qazaqstandyq-reseılik joba BI Group kompanııasynyń 19-shy jyldyǵyna oraı «Garden Village baqytty úıleri» naýqanynyń aıasynda ótti. Byltyr kompanııa óziniń 18-shi jyldyǵyna oraı kirpish kottedji 16 kún jáne 20 saǵat ishinde salǵan bolatyn.
