Astanada 18 jasar pavlodarlyq ózin órtep jiberdi
ASTANA. QazAqparat - Búgin keshqurym Astanada 18 jasar pavlodarlyq ózin-ózi órtep jiberdi. Bul týraly «QazAqparat» HAA-ǵa qalalyq ІІD baspasóz qyzmetiniń jetekshisi Sofıa Qylyshbekova málim etti.
«19 jeltoqsanda saǵat 17:00 kezinde polıtsııaǵa «Dýman» oıyn-saýyq ortalyǵy mańyndaǵy saıabaqta belgisiz bireý ózine benzın quıyp, sýıtsıd jasaǵysy kelgendigi týraly habar tústi. Atalǵan azamat eshqandaı talaptar qoımaǵan. Oqıǵa ornyna shuǵyl túrde polıtsııa qyzmetkerleri men jedel járdem jiberildi. Onyń órtengen kıimi birden óshirilgen», - deıdi ol.
Polıtsııanyń anyqtaýy boıynsha atalǵan jas jigit Pavlodar turǵyny bolyp shyqty. Ol Astanaǵa 16 jeltoqsan kúni qonaqqa kelgen eken.
«Bul oqıǵa boıynsha tekserý júrip jatyr. Onyń qoly men moınyn kúıik shalǵandyqtan, medıtsınalyq mekemege alyp ketti», - dedi S. Qylyshbekova.
Belgili bolǵandaı, atalǵan jigit oqıǵa ornynan №1 qalalyq aýrýhanaǵa jetkizildi.
