Astanada 18 jasar qyz balkonnan qulap, mert boldy
Elordada balkonnan qulap mert bolǵan qyzǵa qatysty tergeý amaldary júrip jatyr, dep habarlaıdy QazAqparat tilshisi qalalyq Polıtsııa departamentiniń baspasóz qyzmetine silteme jasap.
«Turan dańǵylyndaǵy turǵyn úı kesheniniń balkonynan qulaǵan 2005 jyly týǵan elorda turǵynynyń qaıtys bolý faktisi boıynsha Qylmystyq kodekstiń 105-baby boıynsha sotqa deıingi tergeý amaldary júrgizilip jatyr», - delingen resmı habarlamada.
Sondaı-aq, polıtsııadan Qylmystyq-protsestik kodeksiniń 201-baby boıynsha sotqa deıingi tergep-tekserý barysy men ózge de derekteri jarııa etýge jatpaıtyny týraly eskertildi.
Eske sala ketsek, elordada osyǵan deıin balalarǵa qatysty birneshe qaıǵyly fakti boldy.
21 qyrkúıekte Astanada oqýshy joǵarǵy qabattan sekirip mert bolǵan edi.
Aqparatta aıtylǵandaı, 2023 jylǵy 20 qyrkúıekte Astana qalasyndaǵy kópqabatty úılerdiń biriniń aýlasynan jasóspirimniń máıiti tabylǵan.
Odan bólek, 25 qyrkúıekte Astana qalasyndaǵy №14 mektep-gımnazııanyń oqýshysy ekinshi qabatqa kóterilip bara jatyp baspaldaqtan qulap ketken bolatyn.
Balanyń aıtýynsha, ony synyptasy ıterip jibergen.
Oqıǵa ornyna shuǵyl túrde jedel járdem shaqyryldy. Qazirgi ýaqytta bala aýrýhanada em alyp jatyr.
