Astanada 18 myńnan astam bala alǵash ret mektepke barady
Astanalyq bir ǵana №54 mektep-lıtseıiniń birinshi synybyna 300 bala barady. Mektep dırektory Shákárim Seısenbaıdyń aıtýynsha, oqýshylar alǵashqy sabaqta qalanyń tarıhy men damý joly týraly baıandap, kórikti jerlerimen jáne shaharda ótken erekshe sharalarmen bólisedi.
«40 mınýtqa jalǵasatyn sabaqtyń ústinde balalar bilim eline qyzyqty saıahatqa attanady, qalanyń paıda bolý tarıhymen tanysady. Sondaı-aq, arnaıy kabınette tanymdyq oıyndar ótkiziledi. Bıyl jalpy 10 synyp ashýdy josparlap otyrmyz, árqaısysynda 30 baladan oqıtyn bolady», - dedi Sh. Sársenbaı
Bilim basqarmasynyń málimetinshe, bıylǵy jyly qala boıynsha birinshi synypqa 18 myńnan astam bala barady. 150 myńnan astam oqýshy qala mektepterinde bilim alýǵa daıyndalyp júr.
Qazirgi tańda Astana boıynsha 105 mektep jumys jasaıdy. Olardyń qatarynda memlekettik mektepter sany - 85, keshki - 1, jekemenshik- 15, respýblıkalyq mańyzy bar 4 mektep bar.
