Astanada 18 qabatty úı órtenip, tórt adam qutqaryldy
ASTANA. KAZINFORM — Astananyń Esil aýdanynda, Máńgilik El dańǵylynda ornalasqan 18 qabatty turǵyn úıdiń 14-qabatyndaǵy páterden órt shyqty, dep habarlaıdy TJM baspasóz qyzmeti.
Vedomstvo málimetinshe, úı zattary men jıhaz janǵan. Órttiń jalpy aýdany 25 sharshy metrdi qurady.
TJM qyzmetkerleri qutqarý maskalaryn qoldaný arqyly 4 adamdy, onyń ishinde 2 balany qutqardy. Órt tolyqtaı sóndirildi. Zardap shekkender joq.
Mınıstrlik qazaqstandyqtarǵa eskertý jasady.
— Órt shyqqan jaǵdaıda dereý 112 nómirine habarlasyńyz, lıftini paıdalanbańyz jáne qutqarýshylardyń nusqaýlaryn oryndańyz, — delingen habarlamada.
Buǵan deıin balalardy órtten qutqarǵan áskerı qyzmetshi Ǵazız Baıtasov atyndaǵy medal alǵanyn jazǵanbyz.
