Astanada 1,7 mln sharshy metrden astam turǵyn úı súriledi
ASTANA. KAZINFORM — Elordany odan ári damytý maqsatynda qaladaǵy 1,7 mln sharshy metr qoldanystaǵy turǵyn úı qoryn súrip tastaý josparlanyp otyr. Onyń basym bóligi jeke sektorǵa tıesili.
Astana aýmaǵyn damytýdyń 2035 jylǵa deıingi jańartylǵan bas josparǵa sáıkes, eskirgen jáne apatty jaǵdaıdaǵy turǵyn úılermen qatar, saıajaılar, garajdar jáne az qabatty qurylys nysandary ornalasqan aýmaqtar da bosatylmaq.
Sonymen qatar 2035 jylǵa deıin jalpy kólemi 1,713 mln sharshy metr turǵyn úı qoryn súrip tastaý kózdelgen. Bas jospardy iske asyrýdyń birinshi kezeńinde, ıaǵnı 2030 jylǵa deıin 484 myń sharshy metr turǵyn úıdi buzý josparlanyp otyr. Súriletin turǵyn úılerdiń basym bóligi — 95%-y jeke turǵyn úıler bolady.
Jalpy boljam boıynsha, 2035 jylǵa qaraı qalanyń qurylys salynǵan aýmaǵy aıtarlyqtaı ulǵaıady. Qazirgi ýaqytta ǵımarattar men qurylystar qala aýmaǵynyń 14,2%-yn alyp jatyr. Al bas josparǵa sáıkes, bul kórsetkish 37%-ǵa deıin ósedi.
Aıta keteıik, apatty turǵyn úılerdi renovatsııalaýǵa jańa kepildik tetigi engizildi.
Sonymen qatar Almatyda kóppáterli turǵyn úıdi basqaratyn kompanııa tóńireginde daý shyqty.
Oǵan qosa, Astanada 10-nan astam kópqabatty turǵyn úı ortalyq jylý júıesine qosylmaǵan.
