Astanada 178 saılaý ýchaskesi ashyldy
ASTANA. QazAqparat - Búgin tańerteń saǵat 07.00 elordada 178 ashyq saılaý ýchaskesi óz jumysyn bastady, olar saǵat 20:00-ge deıin jumys isteıdi, dep habarlady qala ákiminiń baspasóz qyzmeti.
Búgin barsha Qazaqstan boıynsha QR Parlamenti Májilisi depýtattarynyń jáne barlyq deńgeılerdegi máslıhat depýtattarynyń saılaýy ótedi. Astanada 405233 saılaýshy tirkelgen. Astana qalasy ákiminiń tapsyrmasymen bıyl 26 jańa saılaý ýchaskesi quryldy. Sonymen qatar, saılaýshylarǵa yńǵaıly bolýy úshin árbir saılaý ýchaskesinde shaǵyn halyqqa qyzmet kórsetý ortalyqtary jumys isteıdi.
HQKO elorda turǵyndaryn qandaı da bolmasyn saılaý ýchaskesinde saılaýshylar tizimine engizý úshin mekenjaı anyqtamalaryn beretin bolady.
«Almaty», «Esil», «Saryarqa» aýdandary ákimdikteriniń, Aýyl sharýashylyq, sondaı-aq, Kásipkerlik jáne ónerkásip basqarmalarynyń kúshimen 91 saılaý ýchaskesine tıisti aýmaqta qalalyq aýyl sharýashylyq taýar óndirýshilerdiń jáne kásipkerlerdiń qatysýymen jármeńkeler uıymdastyrylady.
Ádettegideı, birinshi bolyp kelgen saılaýshylar, alǵash ret daýys beretinder, sondaı-aq, 20 naýryzda týǵan kúnin atap ótetin azamattarǵa estelik syılyqtar beriledi.
Búgin barlyq sanattaǵy azamattar úshin barlyq sanattaǵy qoǵamdyq kólikpen jol júrý tegin bolady.
