Astanada 17 jasar kolledj stýdenti 4 jasar qyzdyń ómirine balta shapqan - ІІM
ASTANA. 18 mamyr. QazAqparat /Jasulan Amanbaıuly/ - Polıtseıler Astanada 4 jasar qyzdy zorlap, keıin ómirine de balta shapqan 17 jasar kolledj stýdentin ustady.
Bul týraly búgin QR ІІM-de ótken brıfıng barysynda vedomstvonyń Memlekettik til saıasat jáne aqparat departamenti bastyǵynyń orynbasary Qalamqas Temirova málim etti.
Oqıǵa qalanyń Saryarqa aýdanyndaǵy bir páterde oryn alǵan. Qylmys jasalǵan kúni anasy qyz balany tanysyna tastap ketken. Kúdikti kishkentaı qyzben jeke qalǵanyn paıdalanyp, jynystyq sıpattaǵy zorlyq áreketterin jasaǵan. Qylmystyń izin jasyrý maqsatynda ol jábirlenýshiniń basynan birneshe ret soqqy jasaǵan.
Q. Temirovanyń aıtýynsha, keltirilgen aýyr zaqymnan kishkentaı qyz sol jerde kóz jumǵan.
«Sot-medıtsınalyq saraptamasynyń qorytyndysy boıynsha 4 jastaǵy qyz bala jabyq mı jaraqatynan mert bolǵany anyqtaldy. Jedel-izdestirý is-sharalar keshenin júrgizýdiń nátıjesinde Astana qalasy kolledjderiniń birinde oqıtyn 17 jastaǵy 1-kýrs stýdenti ustaldy»,-deıdi ol.
Qazirgi ýaqytta kúdikti qamaldy. Zorlyq jasap, adam óltirý faktisi boıynsha qylmystyq is qozǵalyp, tergeý amaldary júrgizilýde.
