Astanada 17 myńnan asa múmkindigi shekteýli adam bar
ASTANA. 22 jeltoqsan. QazAqparat - Astanadaǵy barlyq sanattaǵy múgedekterdiń sany - 17 211 adam nemese jalpy turǵyndardyń 2,2 %-y.
Olardyń 399-y -18 jasqa deıingi múgedek balalar. I, II toptaǵy múgedekter - 9117, III toptaǵy múgedek - 5695 adam, UOS múgedegi - 83 adam, UOS múgedekterine teńestirilgender - 494 adam, múgedektik topqa jatatyn, UOS qatysýshylar - 198 adam, dep habarlaıdy qalalyq Jumyspen qamtý jáne áleýmettik baǵdarlamalar basqarmasynan.
Astana.kz saıtynyń málimetinshe, múmkindigi shekteýli adamdar derbes beıimdeý baǵdarlamalaryna sáıkes mindetti gıgıenalyq quraldarmen, protezdi-ortopedııalyq buıymdarmen, tıflo-sýrdotehnıkalyq quraldar, kreslo-besikarbalarmen qamtamasyz etilip jáne shıpajaı-kýrorttyq emdelý kómekteri kórsetiledi. Júrip-turýy qıyn 1 toptaǵy múgedekterge jeke kómekshiler berilip, qulaǵy estimeıtin múgedekterge qımyl tilimen túsindiretin mamandar qyzmet etedi.
