Astanada 17 myńnan astam zeınetker belsendi ómir saltyn ustanady

ASTANA. KAZINFORM – Astanadaǵy Belsendi uzaq ómir súrý ortalyqtarynda 25 túrli baǵyt boıynsha úıirmeler men sektsııalar turaqty túrde jumys isteıdi. Búginde 17 myńnan astam zeınetker ortalyqtyń qyzmetin turaqty túrde paıdalanyp keledi. 2025 jyldyń basynan beri 4 090 zeınetker ortalyqqa tirkelip, qyzmet ala bastady, dep habarlaıdy elorda ákimdiginiń resmı saıty.

Zeınetkerlerdiń jas erekshelikteri: 70 jasqa deıin – 10 598 adam, 70 pen 80 jas aralyǵynda – 6 281 adam, al 80 jastan joǵary – 647 zeınetker tirkelgen.

2025 jyldyń ózinde ortalyq 13 721 zeınetkerge 444 216-dan astam áleýmettik qyzmet kórsetti. Qazirgi tańda kún saıyn ortalyqtyń alty aýdandyq bólimshesine 2 500-den astam adam kelip, belsendi ómir saltyn jalǵastyrýda.

Ortalyqtyń barlyq aýdandyq bólimshesinde eń belsendi qatysýshylar – áıel zeınetkerler. Ásirese, ájelerimizdiń qolónermen aınalysýǵa qyzyǵýshylyǵy joǵary. Mysaly, eńbek terapııasyna 733 adam, tigin álippesine 248 adam, art-terapııaǵa 734 adam, al qum terapııasyna 248 adam qatysqan.

Sonymen qatar, zeınetkerler óz qyzyǵýshylyqtaryna qaraı 25-ten asa túrli klýbqa qatysa alady.

Atap aıtsaq: «Atadan balaǵa amanat», «Zııatkerlik oıyndar», «Speaking English», «Oqý jáne poezııa klýby», «Kúmis eriktiler», «Hor jáne vokal», «Voleıbol», «Ústel tennısi», «Gıtarada oınaý», «Dombyra úırený», «Dombyra orkestri», «Karaoke», «Kilem toqý», «Urshyq ıirý», «Salaýatty ómir salty», «Kompıýterlik saýattylyq», «Til shańyraǵy», «Ájeler 80+», «Kıim úlgilerin kórsetý» jáne taǵy basqa klýbtar bar. Sondaı-aq, saýyqtyrý baǵytynda Tsıgýn, kýn-fý jáne bı sekildi qozǵalys belsendiligin arttyratyn klýbtar jumys isteıdi.

Aıta keteıik, Astanada qarııalarǵa arnalǵan kúzgi saýyqtyrý maýsymy ashyldy.