Astanada 17 mektep úsh tilde bilim berip jatyr
ASTANA. QazAqparat - Astanada úsh tildi ilki tártipte jalpy bilim beretin 17 mektepte engizildi. Búgin QR Premer-Mınıstriniń orynbasary Darıǵa Nazarbaevanyń Astanadaǵy № 81 «Astana English School» mamandandyrylǵan gımnazııasy muǵalimderimen jáne oqýshylarymen kezdesý barysynda Astana qalalyq bilim basqarmasynyń basshysy Elmıra Sýhanberdıeva osylaı málim etti.
«Qazirgi kezde elordadaǵy mektepterde úsh tildi bilim berýdi engizý boıynsha maqsatty jumystar júrip jatyr. Tıisti kadrlardyń qajettiligine monıtorıng jasalýda. Úsh tilde bilim berýge aýysýdyń normatıvtik-quqyqtyq ádisnamalyq negizin josparly zertteý júrýde. Búginde úsh tilde bilim berýdi engizý turǵysynda qanatqaqty mektepter retinde 17 oqý orny iriktelindi. Bul 17 mektepte pánder ishinara aǵylshyn tilinde ótkiziledi, ıaǵnı matematıka, bılogııa, hımııa, geografııa pánderi aǵylshynsha oqytylýda»,-dedi ol.
Sonymen qatar basqarma basshysy qaladaǵy bilim berý salasyndaǵy keıbir kórsetkishterge toqtaldy. Jyl saıyn Astanaǵa ortasha eseppen alǵanda mektep jasyndaǵy 6,5 myń bala kóship keledi. Osy rette bir muǵalimge 86 oqýshy tıesili bolady, al 2015 jyly kóshi-qondy eskere otyryp, elordada balalardy bilim berýmen qamtý 103 paıyzdy qurady.
