Astanada 17-18 mamyrda qalalyq aýylsharýashylyq jármeńkesi ótedi

ASTANA. KAZINFORM –  Astanada 17-18 mamyr aralyǵynda qalalyq aýylsharýashylyq jármeńkesi ótedi, dep jazdy Astana qalasy ákimdiginiń resmı saıty.

Jármeńkede Qazaqstannyń túrli óńirlerinen kelgen jergilikti fermerler men óndirýshilerdiń ónimderi usynylady.

Qala turǵyndary men qonaqtary kókónister men jemis-jıdek, et, un ónimderi men sút ónimderi, pisirilgen taǵamdar, tabıǵı shyryndar, tosaptar, djemder jáne basqa da kóptegen ónimdi satyp ala alady.

Іs-shara 17 jáne 18 mamyr kúnderi saǵat 09:00-den 19:00-ge deıin «Koktal» saýda-oıyn-saýyq ortalyǵynda ótedi. Mekenjaıy: Nurǵısa Tlendıev dańǵyly, 12a.

Aıta ketý kerek, Astanada basqa da aýylsharýashylyq jármeńkesi jumys istep tur, mekenjaıy: Beıbarys Sultan kóshesi, 23 (Rıo-de-Janeıro turǵyn úı kesheniniń qarsy beti). Ol kún saıyn saǵat 9:00-den 19:00-ge deıin ashyq bolady.

Qala turǵyndary men qonaqtarynyń yńǵaılyǵy úshin jármeńkege jaqyn jerde № 2, 32, 49, 50, 73 avtobýs marshrýttary júredi. Bul turǵyndardyń yńǵaıly qatynaýyn qamtamasyz etedi.

Astananyń ortalyq saıabaǵy jańartylǵan soń qandaı bolatynyn jazǵan bolatynbyz.