Astanada 16 myńnan astam adam qyzylshaǵa qarsy ekpe aldy

6 qarashadan beri Astanada qyzylshaǵa qarsy jappaı ımmýndaý júrip jatyr. Bul týraly Astana qalasynyń Bas memlekettik sanıtarııalyq dárigeri Sarhat Beısenova aıtyp berdi, dep habarlaıdy Kazinform.

Jappaı ımmýndaýmen 6 aıdan 10 aı 29 kúnge deıingi balalar jáne 2 jastan 4 jas 11 aı 29 kúnge deıingi balalar jáne medıtsına qyzmetkerleri qamtylady.

«Vaktsınany tirkelgen jeri boıynsha emhanalarda tegin alýǵa bolady. Búgingi kúnge deıin 16 447 vaktsına egildi. Jappaı vaktsınalaý qaladaǵy epıdemıologııalyq jaǵdaıdy turaqtandyrýǵa múmkindik beredi. Bizdiń búgingi basty mindetimiz – qyzylshadan bolatyn ólim men asqynýlardyń aldyn alý», - dedi S. Beısenova Astana kommýnıkatsııalar ortalyǵynda ótken brıfıngte.

Vaktsınalaý ınfektsııa oshaqtarynda da júrgiziledi, osylaısha naýqastarmen baılanysta bolǵan 1733 adam vaktsına aldy.

Sondaı-aq qyzylshaǵa qarsy egilmegen 18 jasqa deıingi adamdar anyqtaldy, jyl basynan beri 14 374 adam anyqtalsa, onyń 88% – 12 746 adam vaktsına qabyldady.

«Aýrýdyń alǵashqy belgileri baıqalsa, dereý dárigerge júginýge keńes beremin. Qyzylshanyń belgileri: temperatýranyń 38-40°C deıin joǵarylaýy, bas aýrýy, álsizdik, tábettiń tómendeýi, konıýnktıvıt, rınıt, jaryqqa qaraı almaý, qurǵaq, ústi jótel, daýystyń qarlyǵýy, qyzylsha enantemasy, denedegi bórtpeler», - dedi S. Beısenova.

Aıta keteıik, Astanada qyzylsha boıynsha epıdemıologııalyq jaǵdaı áli de turaqsyz.