Astanada 16 qyrkúıekte keıbir kóshelerde qozǵalys shekteledi
ASTANA. QazAqparat - Elordada 16 qyrkúıek kúngi 21-00-den 17 qyrkúıek kúngi 21-00-ge deıin Esenberlın kóshesiniń Jeńis dańǵylynan Beısekov kóshesine deıingi aýmaǵynda kólik qozǵalysyna tolyq shekteý qoıylady, dep habarlaıdy qalalyq ákimdiktiń baspasóz qyzmeti.
Astana qalasynyń Іshki ister departamentiniń məlimetinshe, asfaltbeton jabyndysyn salý jumystarynyń júrgizilýine baılanysty kólik qozǵalysyna shekteý qoıylady.
Sonymen qatar Saraıshyq kóshesi boıynsha jóndeý jumystaryna baılanysty (kólik kópiri M-1) 18-28 qyrkúıek jol jartylaı jabylady.
Elorda turǵyndary men qonaqtaryna qala joldarynda kepteliske tap bolmas úshin óz baǵyttaryn aldyn ala josparlap alýǵa keńes beredi.
