Astanada № 16 avtobýstyń qozǵalys baǵdary uzartyldy
ASTANA. 18 aqpan. QazAqparat - № 13 avtobýs baǵdarynyń jabylýyna baılanysty «Promyshlennyı» turǵyn úı alabynda jolaýshylar tasymalyn oıdaǵydaı qamtamasyz etý úshin, sondaı-aq, avtobýs baǵdarlaryn ońtaılandyrý maqsatynda 2013 jyldyń 20 aqpanynan bastap №16 avtobýs qozǵalysy baǵdaryn kelesi baǵytta uzartýǵa sheshim qabyldandy:
Bastapqy «Et kombınaty» aıaldamasynan «Besshalqar k-sine» deıin, Balqantaý kóshesiniń boıymen ózgerissiz, odan ári - Besshalqar k-si - Shalkóde k-si, sońǵy aıaldama - «Promyshlennyı» turǵyn úı alaby. Bul týraly astana.kz. saıtynan habarlandy.
Eske salaıyq, qalalyq Jolaýshylar kóligi jáne avtomobıl joldary basqarmasynyń málimeti boıynsha, №21 avtobýs qozǵalys baǵdarynyń uzartylýy mynandaı bolyp edi: alǵashqy «t/j Vokzaly» aıaldamasynan «Abylaı han» TK-ge deıin ózgerissiz. Odan ári - Sarykól k-si - Qoshkarbaev k-si - Jumabaev k-si - Aınakól k-si - Sarykól k-si - Baıtursynov k-si, keri de osy qozǵalys syzbasy boıynsha júredi. Bul sheshim Sarykól kóshesi jalǵasynyń paıdalanýǵa berilýine jáne Baıtursynov kóshesindegi kólik qozǵalysynyń kóbeıýine baılanysty jol qozǵalysy qaýipsizdigin qamtamasyz etý maqsatynda júzege asyryldy.
