Astanada 16-20 shilde kúnderi Atyraý oblysynyń mádenıet kúnderi ótedi
Bes kúnge josparlanǵan baǵdarlamada jıyrma túrli sharalar, kontsertter, defıleler men kórmeler bar.
Іs-sharany 16 shilde kúni saǵat 11:00-de kongress-hollda ótetin D.Núrpeıisova atyndaǵy halyq aspaptar orkestriniń kontserti ashady. Dál osy ýaqytta Kongress-holdyń aldyndaǵy alańda Nurmuhan Jantórın atyndaǵy fılarmonııanyń úrmeli aspaptar orkestri óner kórsetse, saǵat 12:30-de defıleni "Aısulý" sán úıi jalǵastyrady. Atyraý oblystyq mádenıet kúnderiniń birinshi kúni "Atyraý aıshyqtary" Gala-kontsertimen aıaqtalady, bul kontsert EKSPO-2017 amfıteatrynda saǵat 21:30-de bastalady.
Kongress-holl ǵımaratynda eki kún boıy, ıaǵnı 16 jáne 17 shilde kúnderi Atyraý oblysynyń birneshe kórmeleri men vernısajdary jumys isteıtin bolady. Bular - ólkeniń tarıhynan syr shertetin oblystyq tarıhı-ólketaný mýzeıiniń ekspozıtsııasy, Sh.Sarıev atyndaǵy beıneleý óneri mýzeıiniń EKSPO taqyrybyndaǵy vernısajdary. Oblys ortalyǵynyń kitaphanalary usynatyn kitap kórmesi men jármeńkesi, sondaı-aq oblystyq memlekettik arhıv usynatyn óńirdiń jetistikteri týraly qujattar kórmesi. Barlyq kórmeler men ekspozıtsııalar saǵat 11:00-de bastalady.
17 shilde kúni mádenı is-sharalar keshke qaraı bastalady. Saǵat 19:00-de «Báıterek» monýmentiniń aldynda Jantórın atyndaǵy oblystyq fılarmonııanyń "Naryn" halyq aspaptar orkestri án-jyrmen sýsyndatady. Dál osy ýaqytta "Jastar" teatrynda Mahambet atyndaǵy oblystyq drama teatry ártisteriniń oryndaýyndaǵy "Súıinbaı" dramasynyń tusaýkeseri ótedi, bastalýy saǵat 19:00-de.
18 shilde kúni negizgi sharalar etnoaýyl aýmaǵynda ótedi. Saǵat 15:00-de "Aısulý" sán úıi modelderiniń defıle baǵdarlamasy bastalady. Baǵdarlamany saǵat 15:00-de D.Núrpeıisova atyndaǵy halyq aspaptar orkestri men Qurmanǵazy, Inder jáne Maqat aýdandarynyń shyǵarmashylyq ujymdarynyń kontserti jalǵastyrady. Etnoaýyldaǵy baǵdarlama saǵat 19:30-da atyraýlyq kompozıtorlardyń ánderi shyrqalatyn kontsertpen aıaqtalady.
Osy kúni, 18 shilde kúni qalalyq alańda saǵat 17:00-de bastalatyn óńirdegi etnomádenı birlestikterdiń kontserti ótedi. Saǵat 18:00-de olardy bıler merekesi almastyrsa, 20:00-de - oblystyq fılarmonııa ártisteriniń qatysýymen teatrlandyrylǵan qoıylym men kontsert bastalady.
19 shilde kúni Gorkıı atyndaǵy orys teatrynda atyraýlyq dramatýrg M.Otarbaevtyń "Baıandy baq" qoıylymy ótedi, ol saǵat 19:00-de bastalady. Onymen bir ýaqytta qalalyq alańda oblystyq fılarmonııanyń estradalyq orkestriniń qatysýymen merekelik baǵdarlama ótedi.
Astanadaǵy Atyraý oblysynyń mádenıet kúnderi 20 shilde kúni «Báıterek» monýmentiniń aldyndaǵy alańda támamdaıdy. 19:00-de bul jerde elorda turǵyndary men qonaqtaryn "Án arman - Atyraý" merekelik kontserti kútedi.