Astanada 150-shi «Astana bike» velosıped beketi ashyldy (FOTO)
ASTANA. QazAqparat - EKSPO-2017 Halyqaralyq kórmesine daıyndyq aıasynda Astana qalasynyń ákimdigi «Samuryq-Qazyna» AQ UÁQ birlesip, ınvestıtsııalyq joba negizinde elordada velosıped qozǵalysyn uıymdastyrýdy júzege asyrýda. 2014 jyly qala kúnine oraı Qonaev kóshesinde eń birinshi «Astana bike» beketi ashylǵan bolatyn.
Búgin Astana qalasynda 150-shi velosıpedtik bekettiń ashylýy ótti. Táshenov kóshesi men Taha Hýseın kóshesi qıylysynda ornalasqan bul velosıpedtik beket - bıylǵy maýsymdaǵy sońǵy bolyp tabylady.
Astanada joba aıasynda birinshi maýsymda 200 velosıpedi bar 40 velobeket óz jumysyn bastaǵan edi. Búgingi kúnde astanalyqtar úshin myńdaǵan velosıpedter usynylýda.
- Bul jobanyń áleýmettik mańyzy bar ekenin aıtqym keledi. Birinshiden, bul - salaýatty ómir salty. Ekinshiden, qaladaǵy kólikterdiń júktemesin azaıtady jáne úshinshiden - qorshaǵan ortada zııandy qaldyqtardyń azaıýyna áserin tıgizedi. Bizdiń oıymyzsha, atalmysh joba ınfraqurylym men týrızm salalarynyń damýyna úlesin qosady, - deıdi «Astana Konvenshn Bıýro» JShS dırektory Sanııar Aıtekenov.
Astana qalasynyń ákimi Á. Jaqsybekovtyń velosıpedterge qol jetkizýdi ońtaılandyrý boıynsha berilgen tapsyrmasyna saı abonementtik karta alý kezindegi tirkeý júıesi jeńildetildi. Qazir velosıpedti jalǵa alý úshin tek jeke kýálik qajet.
Búgingi kúnde alty myńǵa jýyq elorda turǵyny osy velosıpedterge júginedi. ıAǵnı, bir kúnde shamamen 900 astanalyq bul velosıpedterdi paıdalanady.
Aıta keteıik, qalanyń kórkeıýine arnalǵan bul joba EKSPO-2017 kórmesi kezinde týrısterdiń qajettiligine jarap, odan keıin de elordanyń mádenı-tarıhı kóz tartarlyq oryndaryn aralaýǵa jáne Astananyń týrızm salasyn arttyrýǵa yqpal etedi.
Eske sala keteıik, 28 qyrkúıekte ótken Astana qalasynyń apparat jınalysynda qala basshysy velosıped joldary boıynsha revızııa ótkizýdi tapsyrǵan bolatyn. Áýesqoı velosıpedshiler joldaǵy qaýip-qaterdiń kóptigi saldarynan velosıpedterdi kóp paıdalana bermeıdi. Endi jol qurylysy men jaıaý joldardyń jóndeý jumystaryna jaýapty tulǵalar jaqyn arada velosıpedke arnalǵan joldardaǵy kedergilerdi joıyp, tıisti sharalardy qoldanýy qajet, dep habarlaıdy astana.gov.kz.
