Astanada 150 kondýktor jumystan qýyldy
ASTANA. QazAqparat - Astanadaǵy jolaýshylar júrgizýshilerge qaraǵanda kondýktorlardyń jumysyna qatysty kóp shaǵymdanady, dep habarlaıdy Astana medıa ortalyǵy .
«Astana LRT» jolaýshylar kóligi bóliminiń basshysy Beıbit Esjanovtyń deregine sensek, júrgizýshiler men kondýktorlardyń ústinen jyldamdyqty shamadan tys kóbeıtý, kólikti kilt tejeý, jolaýshylarǵa dórekilik kórsetý faktileri boıynsha jıi shaǵym túsedi. Bólim basshysy birde-bir aryz-shaǵymdy eskerýsiz qaldyrmaımyz dep otyr.
«Jyl basynan beri túrli tártip buzýshylyqqa baılanysty 52 júrgizýshi, 150 kondýktor jumystan shyǵaryldy. Bul oraıda bizde jumysshylardyń biliktiligin arttyratyn ortalyq bar. Onda jumysshylar erejelermen tansyp, jolaýshylarmen sóılesý mádenıetin úırenedi », - deıdi B. Esjanov. Jalpy jyl basynan beri Astanada qoǵamdyq kólik júıesi boıynsha 4,5 myń tártip buzýshylyq tirkelgen. «Astana LRT» kólikte keleńsiz jaǵdaılar kezdesse 8 (7172) 574-777 nomerine habarlasý kerektigin eskertedi.
