Astanada 150-ge jýyq memlekettik qyzmetshi qan tapsyrdy
ASTANA. QazAqparat - Qan qabyldaý avtobýsy Mınıstrlikter úıiniń dál aldyna toqtady. Sol jerde memlekettik qyzmetshiler avtobýsqa bir-birlep kirip, qan tapsyrdy. Atalǵan sharanyń negizi maqsaty - qoǵam nazaryn qandy erikti túrde tapsyrý máselesine aýdarý, dep xabarlaıdy QazAqparat tilshisi.
Búgingi aktsııanyń uıymdastyrýshysy - «Nur Otan» partııasynyń «Birlik» fılıaly. «Bir tamshy qan - saqtalǵan ómir!» sharasy jyl saıyn uıymdastyrylady. Osy joly oǵan 150-ge jýyq memlekettik qyzmetshi ári partııa músheleri qatysty. 
«Jyl saıynǵy aktsııa dástúrli sharaǵa aınaldy. Transfýzıologııa ǵylymı-óndiristik ortalyǵymen birlese otyryp, tórt jyl qatarynan ótkizilip kele jatqan aktsııanyń barysynda myńǵa jýyq adam óz erkimen qan tapsyrdy. Atalǵan kórsetkish jyl saıyn artyp keledi. Osynyń ózi Astana turǵyndarynyń osy máselege nemquraıly qaramaıtyndyqtaryn kórsetse kerek. Erikti túrde qan tapsyratyndardyń ishinde jastardyń kóbeıip kele jatqany qýantady», - deıdi «Birlik» fılıaly tóraǵasynyń birinshi orynbasary Shyńǵys Qojaxmetov.
