Astanada 15 jylda halyq sany 2,5 ese ósti
ASTANA. 26 maýsym. QazAqparat - Elordanyń áleýmettik-ekonomıkalyq jaǵynan qarqyndy damýy - mundaǵy halyq sanynyń da tez ósýine jaǵdaı týǵyzdy. Ótken on bes jylda qala halqynyń sany 300,5 myńnan 2013 jyldyń basynda 778,2 myń adamǵa deıin ósti. Astana.kz saıtyna qalalyq Statıstıka departamentinen habarlaǵanyndaı, 2013 jyldyń 1 qańtarynda elorda halqynyń qonystaný tyǵyzdyǵy 1 sharshy metrge 1096 adamnan keletindigi kórsetilgen. Ári sońǵy málimetter boıynsha, turǵyndardyń ortasha jasy 30 jas bolyp otyr.
«Elorda turǵyndarynyń qurylymynda jasy men jynysy boıynsha da aıtarlyqtar ózgeshelikter bar. Erler 1,7 paıyzǵa ósip, 2013 jyldyń basynda 375 697 adamǵa, áıelder 53,4% paıyzdan 51,7%-ǵa tómendep, úles salmaqtarynda aıyrmashylyqtar bolǵan»,- dep atap kórsetedi vedomstvo.
Keıingi 15 jylda elorda turǵyndarynyń jas erekshelikterinde aıtarlyqtaı óznerister boldy. Halyqtyń kóp bóligin 15 jasqa deıingi balalar quraıdy. 2012 jyly elordada 19 500 sábı dúnıege kelgen. 60 jáne odan da joǵary jastaǵylar kontıngenti (10,4%-nan 6,5%-ǵa deıin) tómendegen.
2013 jyldyń basynda eńbekke qabiletti jasqa jetpegender 186 889 adam (jalpy halyqtyń 24%-y), eńbek jasyndaǵylar - 540 851 adam (jalpy halyqtyń 69,5%-y), eńbek jasynan asqandar - 50 458 (jalpy halyqtyń 6,5%-y) adam.
Halyqtyń tabıǵı ósimi 2012 jyly elordada 15 995 adamǵa jetse, bul 1998 jylmen salystyrǵanda 12,2 ese artyq, dep habarlady elordanyń resmı saıtynan.
