Astanada 15 jylda bilim berýdiń barlyq satysynda oqıtyndar sany 2,4 ese ósti
ASTANA. 15 shilde. QazAqparat - Elordada on bes jylda bilim berýdiń barlyq satylarynda oqıtyndar sany 2,4 ese artty.
Bul týraly astana.kz saıtyna qalalyq Statıstıka departamentinen málim etti.
«Jalpy bilim beretin mektepter jyl saıyn paıdalanýǵa berilip otyrdy. Olarda 29 myńnan astam oqýshy orny ashyldy. On bes jyldaǵy oqýshylar sanynyń 2,4 esege artqanyn eskersek, bul óte mańyzdy kórsetkish»,- delingen vedomstvo habarlamasynda.
Astana qalasynda 2012/2013 oqý jylynda 37 kolledj ben kásiptik-tehnıkalyq mektep jumys isteıdi. Oqýshylardyń jalpy sany 31 219 adam boldy. 1997/1998 oqý jylymen salystyrǵanda kolledj ben kásiptik-tehnıkalyq mektep sany 2,2 esege, al oqýshylar sany 3,4 esege ulǵaıǵan .
2012/2013 oqý jylynda qalada 14 joǵary oqý orny jumys istese, olardyń 3-eýi memlekettik, 11-i jekemenshik. Elordada 48 606 stýdent oqýmen qamtylǵan. Bıylǵy jyly stýdentter sany 1998/1999 oqý jylymen salystyrǵanda 2,9 ese ósken.
Elordada jyl saıyn orta arnaýly bilim boıynsha túlekter sanynyń artqany baıqalady. 2012 jyly kolledjder men kásibı-tehnıkalyq mektepterdiń dıplomyn ıelengen túlekterdiń sany 9 357 adam bolsa , 1997-1998 oqý jylyna qaraǵanda 2 ese ósken.
Maman túlekter sany 2012-2013 oqý jylynyń basynda qala boıynsha 9 983 bolǵan. Olardyń ishinde 987 túlek joǵary arnaýly bilim, 8 996-sy bakalavrdyń akademııalyq dárejesin aldy.
2012-2013 oqý jylyndaǵy túlekter sany 1998-1999 oqý jylymen salystyrǵanda 3,8 esege artyp, soǵan sáıkes bilim alýshylar kórsetkishi de 2,8 ese joǵarylady.
