Astanada 15 jylda alǵash ret lısterıoz tirkeldi

Mamandardyń pikirinshe, atalǵan aýrýdyń paıda bolýyna PIK-terdiń kemirgishterge qarsy kúreske nemquraıly qaraýy sebep bolǵan, dep habarlaıdy QazAqparat Elorda.info saıtyna silteme jasap.

Sapasyz júrgizilgen deratızatsııalyq sharalar týlıaremııa, lısterıoz, leptospıroz jáne ıersınıoz sekildi kemirgishter tasymaldaıtyn jáne elorda aýmaǵyna tán juqpaly aýrýlardyń taralýyna sebep bolýy múmkin. 2017 jyldyń sáýirinde 14 jasqa deıingi balalardyń arasynda lısterıozǵa shaldyǵýdyń 1 oqıǵasy tirkeldi. Bul aýrý 2002 jyldan beri tirkelmegen.

«Qala emhanalaryna kemirgishter tistep alǵan turǵyndar dárigerlik kómek surap júginýde», dep atap ótilgen taratylǵan habarlamada.

Astanada sáýirdiń 14-inen 25-ine deıin kemirgishterge qarsy kúrestiń kóktemgi kezeńi ótti. Deratızatsııamen 20 myń turǵyn úı qamtyldy.

Kemirgishterdiń bastapqy qonystanýy 1 161 turǵyn úıde anyqtalǵan.

Lısterıoz - bakterıaldy ınfektsııa. Lısterııa ortalyq júıke júıesine zardap tıgizip, menıngıt jáne entsefalıt týǵyzýy múmkin.