Astanada 15 myńnan astam túlek UBT tapsyrdy

ASTANA. KAZINFORM — 10 qańtar men 10 aqpan aralyǵynda qańtar aıyndaǵy Ulttyq biryńǵaı testileý ótti. Bul týraly Ulttyq testileý ortalyǵy dırektorynyń orynbasary Naýjan Dıdarbekova aıtty. 

Spıkerdiń aıtýynsha, Astana qalasynda 2026 jylǵy qańtar aıynda UBT-ny 15,2 myńǵa jýyq talapker tapsyrdy. Talapkerlerdiń 75%-y shekti ball jınady. Bes pán boıynsha ortasha ball 66 boldy. Eń joǵary nátıje — 138 ball. Sonymen qatar erekshe bilim berý qajettilikteri bar talapkerler úshin qolaıly jaǵdaı jasalyp, Astana qalasy boıynsha UBT-ǵa 46 adam qatysty dep atap ótti.

Sondaı-aq testileý barysynda 37 ereje buzý anyqtaldy, olardyń nátıjeleri joıylǵan.

— 2026 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese testileý erejelerin buzý faktileri anyqtalǵan jaǵdaıda talapkerlerdiń nátıjeleri joıylady, — dedi spıker.

Brıfıng barysynda vedomstvo ókili naýryz aıyndaǵy UBT-ǵa qatysý úshin ótinish qabyldaý 15-25 aqpan aralyǵynda aıaqtaldy. Respýblıka boıynsha 182 myńnan astam talapker nıet bildirdi.

Testileý 1 naýryz ben 6 sáýir aralyǵynda ótedi dep tolyqtyrdy. 

Aıta keteıik mamyrdan keıin UBT-da beıindik pánderdi ózgertýge bolmaıdy.