Astanada 15 mamyrǵa deıin Tilendıev dańǵylynda qozǵalys shekteledi
ASTANA. KAZINFORM – 3 pen 15 mamyr aralyǵynda N. Tilendıev dańǵylynyń K. Kúmisbekov kóshesinen Sh. Beısekova kóshesine deıingi ýchaskede ortasha jóndeý jumystaryn júrgiziledi.
Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryn 3 pen 15 mamyr aralyǵynda N. Tilendıev dańǵylynyń K. Kúmisbekov kóshesinen Sh. Beısekova kóshesine deıingi ýchaskede ortasha jóndeý jumystaryn júrgiziletini týraly habardar etedi.
Osy ýaqytta avtokólik qozǵalysy eki baǵytta bir jaǵynan kezeń-kezeńimen uıymdastyrylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.
Aıta ketelik Astanadaǵy N. Tilendıev dańǵylynyń bir bóligi 7 kúnge jabylady.
