Astanada 15 kósheniń ataýy ózgertiledi
ASTANA. QazAqparat - Astana qalasy máslıhatynyń kezekten tys sessııasynda halyq qalaýlylary 15 kósheniń ataýyn ózgertý jóninde sheshim qabyldady, dep habarlady astana.gov.kz.
Qalalyq tilderdi damytý basqarmasynyń basshysy, onomastıkalyq komıssııa tóraǵasy Erbol Tileshov óz baıandamasynda aldaǵy ýaqytta keıbir kóshelerge belgili qoǵam qaıratkerleriniń, tarıhı tulǵalardyń - Shyńǵys Aıtmatovtyń, Uzaq batyrdyń, Sháımerden Qosshyǵululynyń, Іlııas Omarovtyń, Jantaı batyrdyń, Zeıin Shashkınniń, Ámına Ómirzaqovanyń jáne t.b. esimderi beriletinin atap ótti. Budan basqa, oramdar da qaıta atalatyn bolady. Jalpy, Astanada 15 kósheniń ataýy ózgertiledi.
Elordalyq máslıhat hatshysy Sansyzbaı Esilov máseleni talqylaý nátıjesinde depýtattarmen Astana qalasy kóshelerin ataý jáne qaıta ataý rásimin naqty erejeler sheńberine keltirýge qatysty birqatar eskerpeler men usynystar jasalǵanyn atap ótti jáne jaqyn ýaqytta tilderdi damytý basqarmasy kóshelerdi qaıta ataý jáne ataý boıynsha protsesti retteıtin erejeler jobasyn nemese tujyrymdamany máslıhattyń qaraýyna engiziletinin aıtty.
