Astanada 15-qabatta kondıtsıoner ornatqan jigittiń aıaǵy taıyp, kronshteınge ilinip qaldy
ASTANA. KAZINFORM — Astanada qutqarýshylar er adamdy 50 metrge jýyq bıiktikten qutqardy. Bul týraly TJM baspasóz qyzmeti habarlady.
Esil aýdanyndaǵy Saýran kóshesinde turǵyn úı kesheniniń 15-qabatynda kondıtsıoner ornatý kezinde jumysshy qulap ketip, qaýipti jaǵdaıda qalǵan. Ol kondıtsıonerdiń kronshteıninen ustap turyp qalǵan.
— Oqıǵa ornyna jetken TJM qyzmetkerleri avtosatynyń kómegimen 1990 jyly týǵan er adamdy qaýipsiz jerge túsirdi, — delingen habarlamada.
Mınıstrlik bıiktikte jumys isteý kezinde qaýipsizdik talaptaryn qatań saqtap, jeke qorǵanys quraldaryn paıdalaný qajet ekenin eskertti.
Buǵan deıin Astanada polıtseı balkonnan qulaýdyń aldynda turǵan qyzdy qutqaryp qalǵan bolatyn.
Al Atyraýda lıft qulap, úsh adam aýrýhanaǵa jetkizildi.
