Astanada 15 adamdy aldap, 21 mln teńgeden astam aqsha alǵan jalǵan jóndeýshi sottaldy
ASTANA. KAZINFORM — Astanalyq turǵyn Instagram arqyly tóbe qabatyn ornatý jáne jıhaz jasaý qyzmetin usynyp, 15 azamattan aldyn ala tólem alǵan. Alaıda tapsyrystardy oryndamaı, 21 mln teńgeden astam aqshany ıemdengen er adam 4 jyl 6 aıǵa sottaldy. Bul týraly Astana qalasy prokýratýrasy málim ettti.
Ol ózi san soqtyrǵan zardap shegýshilermen kelisim-sharttar jasasyp, aldyn ala tólemdi qolma-qol ne banktik onlaın-aýdarymdar arqyly alyp otyrǵan. Keıin olarmen baılanysty úzip, jumysty oryndamaǵan.
Atalǵan tásilmen 15 azamatty aldap, sottalǵan jalpy 21 mln teńgeden astam qarajatyn ıemdengen.
Memlekettik aıyptaýshymen sottalǵannyń kinásin tolyq dáleldengen.
Sot úkimimen oǵan 4 jyl 6 aı bas bostandyǵynan aıyrý jazasy taǵaıyndalǵan.
Jábirlenýshilerdiń keltirilgen materıaldyq zııandy óndirip alý týraly azamattyq talaptary qanaǵattandyryldy.
Sot úkimi zańdy kúshine engen joq.
Astana qalasynyń prokýratýrasy áleýmettik jeliler arqyly taýarlar men qyzmetterge tapsyrys berý kezinde azamattardy saq bolýǵa shaqyrady. Aldyn ala tólemdi engizbes buryn oryndaýshy týraly aqparatty tekserý, pikirlerdi zertteý, naqty baılanys derekteriniń bar ekenine kóz jetkizý jáne satýshynyń nemese oryndaýshynyń adaldyǵy rastalmaı eleýli somalardy aýdarmaý usynylady.
Eske sala keteıik, Astanada kópqabatty turǵyn úı keshenin salamyz dep 292 azamattan aqsha jınaǵan topqa qatysy bar kúdikti Shymkentte qolǵa túsken bolatyn.
