Astanada 14 jasqa deıingi balalar qyzylshany jıi juqtyrýda

Astana qalasynyń Bas memlekettik sanıtarııalyq dárigeri Sarhat Beısenova qyzylsha boıynsha epıdemıologııalyq jaǵdaı áli de kóńil kónshitpeıtinin aıtty, dep habarlaıdy Kazinform.

Búginde elordada qyzylshanyń 731-den astam rastalǵan jaǵdaıy tirkeldi, onyń 73%-ten astamy 14 jasqa deıingi balalardyń úlesine tıesili.

«14 jasqa deıingi balalar arasynda jaǵdaılardyń eń kóp sany 4 jasqa deıingi balalarǵa tıesili, ıaǵnı 430 jaǵdaı nemese 59%. Egý jasyna jetpeý sebebinen 430 jaǵdaıdyń 100 jaǵdaıy 1 jasqa deıingi sábılerdi quraıdy. Naýqas balalar men jasóspirimderdiń 93% ártúrli sebeptermen vaktsınatsııa almaǵanyn atap ótkim keledi, ıaǵnı, naýqastardyń 55% vaktsınalaýdan óz erkimen bas tartqan, 25% – medıtsınalyq qarsy kórsetilimi bar naýqastar jáne 18% – egý jasyna jetpegender sanaty», - dedi S. Beısenova Astana kommýnıkatsııalar ortalyǵynda ótken brıfıngte.

Elordanyń uıymdastyrylǵan ujymdarynda qyzylshanyń 209 jaǵdaıy tirkelgen, onyń 30-y – stýdentter, 58-i – oqýshylar jáne 121 – mektep jasyna deıingi balalar.

«Qala turǵyndaryna, ásirese ata-analarǵa aıtarym, qyzylshanyń ınfektsııasyn, sondaı-aq onyń asqynýyn boldyrmaıtyn jalǵyz tıimdi qural – vaktsına ekenin umytpaıyq. Eger, ózińizdi balasynyń densaýlyǵyna úlken jaýapkershilikpen qaraıtyn ata-ana dep sanasańyz, ekpe kúntizbesine sáıkes balańyzǵa mindettelgen qyzylshaǵa qarsy vaktsına jasatýǵa jáne qosymsha jappaı ımmýnızatsııadan ótýge keńes beremin», - dedi dáriger.

Eske sala ketsek, ótken aptada elordanyń densaýlyq saqtaý basqarmasy qyzylshaǵa baılanysty málimdeme jasaǵan edi.